ಪ್ರಾಂಶುಪಾಲ್ ಬಾಪಾಂಕ್ ಆದೇವ್ಸ್ ಕಾರ್ಯೆ೦ ಹ್ಯಾಚ್ ಜುಲಾಯಿಚಾ 27 ತಾರಿಕೆರ್, ಆಯ್ತಾರಾ ಸಕಾಳಿಂಚಾ ಮಿಸಾ ಉಪ್ರಾಂತ್ ಸಾಂತ್ ಆಂತೊನ್ ಕಾಲೇಜಿಚೆ ಪ್ರಾಂಶುಪಾಲ್ ಜಾವ್ನ್ ಚಾರ್ ವರ್ಸಾಂ ಸೆವಾ ದೀವ್ನ್, ಪ್ರಸ್ತುತ್ ಮಿಲಾರ್ ಕಾಲೇಜ್, ಮಂಗ್ಳುರ್ ಹಾಂಗಾಸರ್ ವರ್ಗ್ ಜಾವ್ನ್ ವೆಚಾ ಮಾ| ದೊ| ಆಲ್ವಿನ್ ಸೆರಾವೊ ಬಾಪಾಂಕ್ ಆದೇವ್ಸ್ ಮಾಗ್ಚೆಂ ಕಾರ್ಯಕ್ರಮ್ ಫಿರ್ಗಜಿ ತರ್ಫೆನ್ ಮಾಂಡುನ್ ಹಾಡ್‌ಲ್ಲೆಂ. ಶ್ರೀ ವಿನ್ಸೆಂಟ್ ರೊಡ್ರಿಗಸಾನ್ ಬಾ| ಆಲ್ವಿನ್ ಸೆರಾವೊ ವಿಶ್ಯಾಂತ್ ಉಲವ್ನ್ ಆಪ್ಲಿಂ ಬೊಗ್ನಾಂ ಉಚಾರ್ಲಿಂ. ಉಪ್ರಾಂತ್ ಮಾನ್ ಪತ್ರ್ ವಾಚುನ್ ಫಿರ್ಗಜಿ ತರ್ಫೆನ್ ಫುಲಾಂ ಫಳಾಂ ಅರ್ಪುನ್, ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೊ. ಬಾಪ್ ಆಲ್ವಿನ್ ಸೆರಾವೊನ್ ಆಪ್ಲಿಂ ಬೊಗ್ನಾಂ ಉಚಾರ್ನ್ ಸಹಕಾರ್ ದಿಲ್ಲಾ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ವೆದಿರ್ ಫಿರ್ಗಜಿಚೆ ವಿಗಾರ್ ಮಾ| ಬಾ| ಜೆರೊಮ್ ಸೋಜ್, ಪ್ರಾಂಶುಪಾಲ್ ಮಾ| ದೊ| ಆಲ್ವಿನ್ ಸೆರಾವೊ, ಕೊವೆಂತಾಚಿ ಸುಪೀರಿಯರ್ ಸಿಸ್ಟರ್ ಪ್ರೆಸ್ಸಿಲ್ಲಾ ಅಂದ್ರಾದೆ, ಉಪಾಧ್ಯಕ್ಷ್ ಶ್ರೀ ಸಂಜಯ್ ಮಿರಾಂದಾ, ಕಾರ್ಯದರ್ಶಿ ಶ್ರೀಮತಿ ಎವ್ಜಿನ್ ರೊಡ್ರಿಗಸ್, ಆಯೋಗಾಂಚೊ ಸಂಚಾಲಕ ಶ್ರೀ ಸುನಿಲ್‌ ಡಿ'ಸೋಜ ಹಾಜರ್ ಆಸ್‌ಲ್ಲಿಂ. ಶ್ರೀ ಸಂಜಯ್ ಮಿರಾಂದಾನ್ ಸ್ವಾಗತ್ ಕರ್ನ್, ಶ್ರೀ ಸುನಿಲ್ ಡಿ'ಸೋಜಾನ್ ಧನ್ಯವಾದ್ ಪಾಟಯ್ಲೆಂ. ಶ್ರೀ ಜೋವೆಲ್ ಫೆರ್ನಾಂಡಿಸಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಹ್ಯಾ ಕಾರ್ಯಾಕ್  ಫಿರ್ಗಜಿಚೊ ಲೋಕ್ ಹಾಜರ್ ಆಸ್‌ಲ್ಲೊ.