ಸಾಂತ್ ಆಂತೊನ್ ಫಿರ್ಗಜ್ ನಾರಾವಿಂತ್ ತಶೆಂಚ್ ಸಾಂತ್ ಆಂತೊನ್ ಕಾಲೇಜಿಂತ್ ಪ್ರಾಧ್ಯಾಪಕ್ ಜಾವ್ನ್ ವಾವ್ರ್ ಕರುಂಕ್, 29 ತಾರಿಕೆರ್, ಮಂಗ್ಳಾರಾ ಪುತ್ತೂರ್ ಮಾಯ್ ದೆ ದೆವುಸ್ ಫಿರ್ಗಜಿ ಥಾವ್ನ್ ಆಯಿಲ್ಯಾ ಮಾ| ಬಾ| ರೂಪೇಶ್ ತಾವ್ರೊಕ್ ಫಿರ್ಗಜ್ ವಿಗಾರ್ ಮಾ| ಬಾ| ಜೆರೋಮ್ ಡಿ'ಸೋಜಾ ಆನಿ ಪ್ರಾಂಶುಪಾಲ್ ಬಾಪ್ ಆಲ್ವಿನ್ ಸೆರಾವೊ ಸಂಗಿಂ ಉಪಾಧ್ಯಕ್ಷ್ ಆನಿ ಕಾರ್ಯದರ್ಶಿನ್ ಸ್ವಾಗತ್ ಕೆಲೊ. ಮಾಗ್ಣ್ಯಾ ವಿಧಿ ಸಂಪ್ತಚ್, ಲ್ದಾನ್‌ಶೆಂ ವೆದಿ ಕಾರ್ಯೆಂ ಮಾಂಡುನ್ ಹಾಡ್‌ಲೆಂ. ವೆದಿರ್ ವಿಗಾರ್ ಮಾ| ಬಾ ಜೆರೋಮ್ ಡಿ'ಸೋಜ, ಪ್ರಾಂಶುಪಾಲ್ ಮಾ| ದೊ| ಆಲ್ವಿನ್ ಸೆರಾವೊ, ಪುತ್ತೂರ್ ಫಿರ್ಗಜಿಚೊ ವಿಗಾರ್ ತಶೆಂಚ್ ವಿಗಾರವಾ‌ರ್ ಮಾ| ಬಾ| ಲಾರೆನ್ಸ್ ಮಸ್ಕರೇನ್ಹಸ್, ಸುಪೀರಿಯರ್ ಸಿಸ್ಟರ್‌ ಪ್ರೆಸ್ಸಿಲ್ಲಾ ಅಂದ್ರಾದೆ, ಉಪಾಧ್ಯಕ್ಷ, ಕಾರ್ಯದರ್ಶಿ ಆನಿ ಸ ಯಾಜಕ್ ಹಾಜರ್ ಆಸ್‌ಲ್ಲೆ. ಶ್ರೀ ಸಂಜಯ್ ಮಿರಾಂದಾನ್ ಮಟ್ಟಾನ್ ಫಿರ್ಗಜಿಚಿ ಚರಿತ್ರಾ ಕಳಯ್ಲಿ. ಉಪ್ರಾಂತ್ ನವ್ಯಾ ಯಾಜಕಾನ್ ಆಪ್ಲಿಂ ಬೊಗ್ಣಾಂ ಉಚಾರ್ಲಿಂ. ಶ್ರೀ ಎನ್ಸೆಂಟ್ ರೊಡ್ರಿಗಸಾನ್ ಕಾರ್ಯೆಂ ಚಲವ್ನ್ ವೆಲೆಂ. ಗೊವ್ಳಿಕ್ ಪರಿಷದೆಚೆ ಸಾಂದೆ ಆನಿ ಫಿರ್ಗಜಿಚೊ ಲೋಕ್ ಹ್ಯಾ ವೆಳಾರ್ ಹಾಜರ್ ಆಸ್‌ಲ್ಲೆ.