Diocese of Mangalore
ಸಮುದಾಯ್ ದೀಸ್ ಆಚರಣ್
ಸಮುದಾಯ್ ದೀಸ್ ತಶೆಂಚ್ ದೈವಿಕ್ ಕಾಕುಳ್ತಿಚೊ ಆಯ್ತಾರ್ ಸಾಂತ್ ಆಂತೊನ್ ಫಿರ್ಗಜ್ ನಾರಾವಿಂತ್ 27/04/2025 ವೆರ್ˌ ವ್ಹಡಾ ಸಂಭ್ರಮಾನ್ ಆಚರಣ್ ಕೆಲೊ. ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಮಾ. ಬಾ. ಆಲ್ವಿನ್ ಸೆರಾವೊನ್ ಭೆಟಯ್ಲೆಂ ಆನಿ ಫಿರ್ಗಜ್ ವಿಗಾರ್ ಮಾ. ಬಾ. ಜೆರೋಮ್ ಸೋಜ್ ಹಾಣಿ ದೆವಾಚಾ ಉತ್ರಾಚೊ ನಿಯಾಳ್ ತಶೆಂಚ್ ಸಮುದಾಯ್ ಮ್ಹಳ್ಯಾರ್ ಕಿತೆಂ ಹ್ಯಾ ವಿಶಿಂ ಲೊಕಾಕ್ ಮಾಹೆತ್ ದಿಲಿ, ಮಿಸಾಚಾ ಬಲಿದಾನಾ ಉಪ್ರಾಂತ್ ದೆವಾಧಿನ್ ಪಾಪಾ ಫ್ರಾನ್ಸಿಸಾಕ್ ಶ್ರದ್ಧಾಂಜಲಿ ಭೆಟವ್ಚೆಂ ಮಟ್ವೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್‌ಲ್ಲೆಂ.
ಮಿಸಾ ಉಪ್ರಾಂತ್ ಹಾಜರ್ ಜಾಲ್ಲ್ಯಾ ಸರ್ವಾಂಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಆಸಾ ಕೆಲ್ಲಿ. ಕಾಲೇಜಿಚಾ ಸಭಾ ಸಾಲಾಂತ್ ಸಮುದಾಯ್ ದಿಸಾಚೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್‌ಲ್ಲೆಂ. ಹ್ಯಾ ಕಾರ್ಯಕ್ರಮಾಕ್ ಮುಖೆಲ್ ಸಯ್ರೊ ಜಾವ್ನ್ ಶ್ರೀ ತೋಮಸ್ ಪಿಂಟೊ, ಆದ್ಲೊ ಲ್ಹಾನ್ ಕ್ರಿಸ್ತಾಂವ್ ಸಮುದಾಯಾಚೊ ವಾರಾಡೊ ಸಂಚಾಲಕ್ ಹಾಜರ್ ಆಸೊನ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ ವಿಶಿಂ ಮಾಹೆತ್ ದಿಲಿ. ವೇದಿರ್ ವಿಗಾರ್ ಮಾ. ಬಾ. ಜೆರೋಮ್ ಡಿ'ಸೋಜ, ಪ್ರಾಂಶುಪಾಲ್ ಮಾ. ಬಾ. ಆಲ್ವಿನ್ ಸೆರಾವೊ, ಸಿಸ್ಟರ್ ಸುಪೀರಿಯರ್ ಪ್ರೆಸ್ಸಿಲ್ಲಾ ಅಂದ್ರಾದೆ, ಉಪಾಧ್ಯಕ್ಷ್ ಶ್ರೀ ಸಂಜಯ್ ಮಿರಾಂದಾ, ಕಾರ್ಯದರ್ಶಿ ಶ್ರೀಮತಿ ಎವ್ಜಿನ್ ರೊಡ್ರಿಗಸ್, ಸರ್ವ್ ಆಯೋಗಾಂಚೊ ಸಂಯೋಜಕ್ ಶ್ರೀ ಸುನಿಲ್ ಡಿ'ಸೋಜ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯಾಚಿ ಸಂಚಾಲಕಿ ಶ್ರೀಮತಿ ಮೇಬಲ್ ಫೆರ್ನಾಂಡಿಸ್ ಹಾಜರ್ ಆಸ್‌ಲ್ಲಿಂ. ಸಭಾ ಕಾರ್ಯಕ್ರಮಾ ಉಪ್ರಾಂತ್ ವಾಡ್ಯಾವಾರ್ ಧಾ ಮಿನುಟಾಚೆಂ ಕಾರ್ಯಕ್ರಮ್ ಮಾಂಡುನ್ ಹಾಡ್‌ಲ್ಲೆಂ. ಶ್ರೀ ಸುನಿಲ್ ಡಿ'ಸೋಜಾನ್ ಸ್ವಾಗತ್ ಕಲೊˌ ಶ್ರೀಮತಿ ಮೇಬಲ್ ಫೆರ್ನಾಂಡಿಸಾನ್ ಧನ್ಯವಾದ್ ಪಾಟಯ್ಲೆಂ. ಶ್ರೀ ವಿನ್ಸೆಂಟ್ ರೊಡ್ರಿಗಸಾನ್ ಕಾರ್ಯಕ್ರಮ್ ಚಲವ್ನ್ ವೆಲೆಂ.
