ಕೊಂಪ್ರಿಚೊ ಆಯ್ತಾರ್ ಆಚರಣ್ 2025

ಸಾಂತ್ ಆಂತೊನ್ ಫಿರ್ಗಜ್, ನಾರಾವಿಂತ್ ವಡ್ಲ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್, ಜನೆರಾಚಾ 19 ತಾರಿಕೆರ್ ಕೊಂಪ್ರಿಚೊ ಆಯ್ತಾರ್, ಮಣ್ಜೆ ಭಾವ್-ಬಾಂದಪ್ಪಣಾಚೊ ಆಯ್ತಾರ್ ಆಚರಣ್ ಕೆಲೊ. ದಯಾ ಸ್ಪೆಷಲ್ ಸ್ಕೂಲ್ ಹಾಚೊ ನಿರ್ದೆಶಕ್ ಮಾ| ಬಾ| ವಿನೋದ್ ಮಸ್ಕರೇನ್ಹಸ್ ಹಾಣಿ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟವ್ನ್, ಭಾವ್-ಬಾಂದವ್ಪಣಾ ವಿಶಿಂ ಅರ್ಥಾಭರಿತ್ ಪ್ರಸಂಗ್ ದಿಲೊ. ಉಪ್ರಾಂತ್ ಪವಿತ್ರ್  ಎವ್ಕರಿಸ್ತ್ ಪುರ್ಶಾಂವಾರ್ ಮಿರಾಂದಾ ಆಯಿಲ್ ಮಿಲ್ ಮ್ಹಣಾಸರ್ ವೆಲೊ, ಥಂಯ್ಸರ್ ಥೊಡೊ ವೇಳ್ ನಿಯಾಳ್ ಆನಿ ಪ್ರಸಂಗ್ ದಿಲ್ಲ್ಯಾ ಉಪ್ರಾಂತ್, ಪರ್ತುನ್ ಪಾಟಿಂ ಇಗರ್ಜಿಕ್ ಪುರ್ಶಾಂವಾರ್ ಯೇವ್ನ್ ಪವಿತ್ರ್  ಸಾಕ್ರಾಮೆಂತಾಚೆಂ ಆಶೀರ್ವಾದ್ ಚಲವ್ನ್ ವೆಲೆಂ. ವಿಗಾರ್ ಮಾ| ಬಾ| ಜೆರೋಮ್ ಡಿ'ಸೋಜಾ, ಪ್ರಾಂಶುಪಾಲ್ ಬಾಪ್ ಆಲ್ವಿನ್ ಸೆರಾವೊ, ಆದ್ಲೊ ವಿಗಾರ್ ಬಾಪ್ ವಲೇರಿಯನ್ ಫೆರ್ನಾಂಡಿಸ್ ಆನಿ ಸರ್ವ್ ಯಾಜಕಾಂನಿ ಮಿಸಾಚಿ ಸಹಭೆಟವ್ಣಿ ಕೆಲಿ. ಮಿಸಾ ಉಪ್ರಾಂತ್ ಸರ್ವ್ ಲೊಕಾಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಆಸಾ ಕೆಲ್ಲಿ.